nbk 57/ kunchiramavilasam/drkgb/11-1-18

nbk 57/ dr.kgb/ kunjiramavilasam/11-1-2018
----------------------------------------------------------
nbk 57/കുഞ്ചിരാമവിലാസം /
-------------------------------------------------------------
കുഞ്ചന് നമസ്കാരം!
"ചഞ്ചലാക്ഷിമാർ വീടുകളിൽ പുക്കു
കുഞ്ചിരാമന്മാർ......."
ഓട്ടനും ശീതങ്കനും
വർത്തമാനത്തിലും
തുള്ളിയാടും  കഥ
(ആടിയ തുടർക്കഥ)
അന്നേ പറഞ്ഞു രസിപ്പിച്ചതിന്നും,
അരക്കിട്ടുറപ്പിച്ചതിന്നും!

2.
കഥയുടെ കഥകളിയുടെ
പാഠമൊന്നെ 
പഥമൊന്നെ; പദം വിധം മാത്രം
മാത്രയിൽ
ചെറ്റു മാറ്റം.
അത് പക്ഷെ ഡാർവിൻ
പിന്നെയും പിന്നെയു-
മുറപ്പിച്ചു തന്നത്!
പരിണാമമിനിയും;
കഥ തുടർക്കഥ!

3.
വേഷം പച്ചയാടാൻ
മോഹം;
കത്തിയും
ചുവന്ന താടിയും
കരിയുമരങ്ങു
നിറയെ!
(അണിയറയിലും)

4.
രമണീയം കഥ
കമനീയം മുഖം;
സുഖം സുഖം;
അതു താൻ നിൻ രാഷ്ട്രീയം;
പുതുപുത്തൻ ഭാഷ വേഷം;
കാര്യമടിപൊളി;
അധികാരം;
ശുഭം!
----------------------------------------------
കുഞ്ചിരാമവിലാസം/ nbk 57
-----------------------------------------------