ആഗസ്റ്റ് കവിതകൾ
--------------------------------
ഡോ കെ ജി ബാലകൃഷ്ണൻ
--------------------------------------------
1. ആ മൗനനിമിഷാംശത്തെക്കുറിച്ച്
---------------------------------------------------------
മഴത്തുള്ളിയുടെ താളം
ഇന്നലെയെ മെനഞ്ഞ്.
കാർനിറപ്പൂക്കൾ നിറഞ്ഞ്
ഞാറ്റുവേലപ്പുലരിയുടെ കൂട.
പെയ്ത് പെയ്തൊഴിഞ്ഞിട്ടും
തോർച്ച കാണാതെ മനം;
നനഞ്ഞ് കുതിർന്ന് മാനം;
ഏഴുനിറമാർന്ന എൻ മൌനം.
ഈറൻചേലയിൽ വെറുങ്ങലിച്ച്,
തീക്കായാൻ ചെങ്കതിർ തിരയും
അമ്മയുടെ ഉള്ളുരുക്കം.
നേരമായിട്ടും പുലരിയെത്താതെ
പേടിച്ചിരണ്ട് കിഴക്ക്.
പടിഞ്ഞാറോട്ടു പോകും പകലിനെ
കൂട്ടിലടയ്ക്കാൻ ഒത്താശ
ആരുടെ കൈക്കരുത്ത്?
വെളിച്ചം കുടന്നയിലൊതുക്കാൻ
കെൽപ്പാർന്നവനാര്?
വെളിച്ചമൊരിക്കലും
ഓടിയൊളിക്കില്ല ;
അത് പരക്കും;
അവിടെ, ഇവിടെ,
നേരായി നിറയും.
-------------------------------
dr.k.g.balakrishnan
9447320801
8-8-2015
--------------------------------