new book 12/ puppulikkali(swagatham)/ dr.k.g.balakrishnan 21/6/17

new book 12/പുപ്പുലിക്കലി (സ്വഗതം)21/6/17
----------------------------------------
ഡോ കെ ജി ബാലകൃഷ്ണൻ
-----------------------------------------------

നാലുംകൂട്ടി മുറുക്കിത്തുപ്പി
നാലാംനാൾ പുലിക്കളി
ഞങ്ങൾക്ക്;
തൃശ്ശിവപേരുർക്കളി;
കളി കളിച്ചു കലികേറി
പുപ്പുലിക്കലി;
കലികാലക്കലി.

2.
പുലി പുലി ചെമ്പുലി,
ആമ്പുലി പെമ്പുലി;
പുള്ളിപ്പുലി കള്ളപ്പുലി;
കള്ളിപ്പുലി;
സ്വർണ്ണപ്പുലി; വർണപ്പുലി;
മൂവർണപ്പുലി;
വർണ്ണമില്ലാ വരയൻപുലി;
ചോരപ്പുലി; പച്ചപ്പുലി;
സന്യാസിപുലി;
ഞങ്ങടെ സ്വന്തം
പുപ്പുലിക്കളി.

3.
 ശാന്തയായ്
നിറനിറയൊഴുകി
നിറമാലതീർത്ത നിള;
ഭ്രാന്തമാം മനം പോലെ;
ശ്രാന്തമാം തനു പോലെ!
ഗാന്ധാരിക്കഥ;
(ആന്ധ്യം
സ്വയം പേറിയെന്നാരോ പാടി)
സാന്ത്വനം വൃഥാ;
 ഇതു ഞങ്ങടെ കലിയുഗക്കളി;
ഇതു പണ്ടേ മുനി പാടിയ മഹാ-
ഭാരതകഥ;
അമ്മേ!
നിൻ കൊടിയടയാള-
മെന്നുമാ നേരറിവാം
പാഞ്ചജന്യമേ!
ഓങ്കാര ധ്വനി;
രമ്യമധു കിനിയും മുരളീരവം;
പേരാറിന്നോളം;
കവിയുടെ കനവി-
ലൊരേയൊരു നേരിൻ
സ്വരസുധ! സത്യം ശിവം സുന്ദരം!


  4.
കൺ‌തുറന്നു കവി;
പുലർന്നുവല്ലോ!
തെരുവു ശാന്തം വിജനം;
"ഇന്നും ഹർത്താലാണ്;
പതിവുപോലെ"
കവിപത്‌നിയുടെ
സ്വഗതം.
-----------------------------------------------
new book 12/ പുപ്പുലിക്കലി (സ്വഗതം)
dr.k.g.balakrishnan) 21-6-2071
--------------------------------------------------------