nbk 48/ Marappu / 31-12-17/ drkgb

nbk/48/ മാറാപ്പ് 31/12/17
------------------------------------
ഡോ കെ ജി ബാലകൃഷ്ണൻ
------------------------------------------
ഇന്നിന്നലെയാകു-
മെന്നതോർക്കാതെ
ഇന്നിൽ മുഴുകി
രസിച്ചു രമിപ്പവർ
കണ്ണിലൊരുതരി-
യെരിവുപുരളും നേര-
മിരുളിൽ വീണുവലയു-
മെന്നന്നേ
പാന പാടിയുറപ്പിച്ചുപോൽ!
ഒരു
പാമരൻ കവി-
രാമനാരായണ!!

2.
പുതിയകാലത്തെ-
പാതിരാവാകിലും
സേവനത്തിൽ മുഴുകുന്ന
നായകർ
നാടുവാഴുന്ന
മാബലിക്കാലത്തെ-
ജാലവിദ്യകൾ
കാൺകെ (ഞാൻ പൂന്താനം)-
പാനപാടട്ടെ-
രാമനാരായണ!

3.
തോളിൽ മാറാപ്പു കേറിയാലും
ചിലർ
മാളികമുകളേറിയിരിപ്പുണ്ട്;
ഇന്നലെക്കഥ പാടിപ്പുകഴ്ത്തിയും                              
നല്ല നാളെയെ-
പ്പാടിക്കൊഴുപ്പിച്ചും-
സ്വർഗ്ഗരാജ്യം വരുമെന്നുറപ്പിച്ചും!!
ശങ്കരാ ശിവശംഭോ!
ശിവ! ശിവ!
-----------------------------------------------------
nbk 48
 മാറാപ്പ് / dr.k.g.balakrishnan 31-12-17
from my next amazon.com book
-----------------------------------------------------