Sunday 26 February 2017

രാപ്പകൽ 27-2-2017
---------------------------------------
ഡോ കെ ജി ബാലകൃഷ്ണൻ
------------------------------------------------
"മൃതമണ്ഡം ബ്രഹ്മാണ്ഡം
ജീവയതി ഇതി മാർത്താണ്ഡ:"
ഋഷിയുടെ വചനമധു
മഷിയുണങ്ങാതെ!

വിലസുന്നിതേ നീല-
മാകാശകോശ-
വിഭ്രാന്തി;
അഹോരാത്രം
തിരിയുന്നു ഭൂ;
സമയമിഥ്യയുടെ
രാപ്പകൽചുരുളഴിയുന്നിതേ!

സ്വയമതിൻ താളമായെൻ
ഹൃദയഗ്രന്ഥിതൻ
സ്വരലയമുണർത്തുന്നു
നിത്യനിരന്തമാം
ചിത്തം;
നിരഞ്ജനം
രാഗനീരാജനം!

2.
സത്യമേ!
നിത്യമേ!
നീയറിയുന്നീല!
ഈ ഭ്രമണചക്രമുണർത്തുമീ-
മാരീചലീല;
വൈദേഹിയെ
മോഹാന്ധ്യകൂപത്തി-
ലാഴ്ത്തിയ
കാമന!

3.
 ജ്വലനമാളുന്നു നീ;
നിത്യം  നിരന്തരം
നിന്നിലെ വെളിച്ചം
സനാതനമല്ലയോ!
മാമുനിയന്നെ
പറഞ്ഞുവല്ലോയിനി-
യൊന്നും പറയുവാനില്ല;
പറയുകിൽത്തന്നെ
യതാവർത്തനം; വൃഥാ!
രാപ്പകലെന്ന പോൽ!

4.
എരിയുന്നു സൂര്യൻ;
തിരിയുന്നു ഞാൻ സ്വയം;
നേരമാം
നാരദവിനോദം
തുടരുന്നു നിർഭരം!
--------------------------------------------------------
രാപ്പകൽ
27-2-17
dr.k.g.balakrishnan Amazon.com Author
------------------------------------------------------------  

 
 






 











 

No comments:

Post a Comment