3.
6. ഒന്ന് 18-2-2016
----------------------------
ഡോ കെ ജി ബാലകൃഷ്ണൻ
------------------------------------------------

1.
ഒന്നിൻ പെരുക്കം കുറുക്കം കറക്കം
ഒന്നിന്നൊടുക്കം പുതുക്കം
ഒന്നിൻ നിദാനം വിതാനം
ഇന്നിൻ വിലാസം സുഹാസം!

പൊന്നിൻ ചിലമ്പൊലി
വിണ്ണിൻ നിലാവൊളി
മണ്ണിൻ മനസ്സിലെ-
ക്കന്നിക്കതിർമണി.

ഒന്നിൽനിന്നായിരം
സിന്ദൂരരശ്മികൾ
ഇന്നിൻറെ മാറിൽ
വിരിയുന്നു പൂക്കൾ.

ഇന്നിൽനിന്നിന്നലെ;
നാളെയുടെ കാലടി-
പ്പാടുകൾ; പറവയുടെ
ചിറകടിക്കേൾവികൾ.

പാടിപ്പറക്കും പതംഗമായിന്നിന്റെ
വേദിയായ്
ആകാശവീഥിയായ്
അക്ഷരം
അവ്യയഗാഥയായ്
ഏകമാമേതോ കിനാവിന്റെ
ചെമ്പൂവിലൂറൂ-
മിനിപ്പിൻ തുടിപ്പിലെ-
ന്നുള്ളിൻ മിടിപ്പായ്;
നിമിഷച്ചിറപ്പായ്.     

2.
പാടുന്നു പൈങ്കിളി;
ഇക്കാണ്ൻമതെല്ലാം
നീളുന്ന നീളമനന്തന്റെ
നാൾവഴി.

*കാണാച്ചുരുൾച്ചുഴിച്ചേലുകൾ;
കാഴ്ച്ചകൾ;
കാണാ പ്പുറങ്ങളിൽ
കളി;കഥക്കോപ്പുകൾ നീലമാ-
മൊന്നിന്റെ
നീലത്തളിരുകൾ;
നീളേ നിരക്കും
നിരാകാര-
വീചികൾ.

പാടിപ്പഴകിയ-
യീരടി ക്കപ്പുറം
തേടിപ്പ റക്കുമെൻ
സഞ്ജയ വീഥികൾ!


* Dark Energy/ഇരുണ്ട ഊർജം
*സഞ്ജയ വീഥികൾ= മോഡേൺ സയൻസ്
"ധര്മക്ഷേത്രേ കുരുക്ഷേത്രേ
------------- സഞ്ജയ!"
----------------------------------------------------------------------
6
ഒന്ന്
ഡോ കെ ജി ബാലകൃഷ്ണൻ
17-2-2017.
---------------------------------------------------------------------