Saturday 6 February 2016


2..പുഴ 
------------------------------------- 

മാന്തളിർത്തണൽ പോലെ 
മനസ്സിൽ കുട്ടിക്കാലം;
ശാന്തമായൊഴുകുന്നു 
പൂമ്പുഴ പാട്ടുംപാടി.

തെളിനീർ ചുരത്തുന്നു;
അമ്മിണിപ്പയ്യിന്നൊപ്പം;
ഇളനീർ തരും രാഗം;
മധുരം; തീരാമോഹം.

ഉത്സവം തകർക്കുന്നു 
പെരുന്നാൾ പൊലിക്കുന്നു 
വത്സരം തോറും സ്നേഹം 
പാലായിപ്പതയുന്നു.

അമ്മയായാനിട്ടീച്ചർ 
അക്ഷരം കുറിപ്പിച്ചു;
വെണ്മ തൻ കടലാഴം 
അറിഞ്ഞു വാനത്തോളം. 

ഇന്ന് ഞാൻ 
എഴുപതിൻ 
പടിയും കടന്നേഴാ-
മൊന്നിനെ
അറിയുന്നു;
സാന്ത്വനം
നുണയുന്നു.

2.
ധന്യമീ സ്വരം സ്നേഹമധുരം
നാദം പ്രേമ-
ജന്യമാം സ്പന്ദം ചിരം;
ലയനം സാക്ഷാത്കാരം!

എങ്കിലും നനയുന്നു
കൺപീലി ചിലനേരം;
പങ്കിലം;
പുഴയുടെ സംഗീതം
നിലച്ചുവോ!
====================================
2.പുഴ
7-2-2016
-------------------------------------------------------------



  

        

No comments:

Post a Comment